"Model daw ako!"

Ang trabahong ginagawa ng isang hardware worker ay hindi biro. Araw-araw magbubuhat ng mabibigat na materyal upang kumita ng perang gagamitin para sa kanilang pamilya. Kung titingnan natin, akala natin ay madali lang ang kanilang ginagawa, ngunit ito ay salungat sa ating pananaw. Sila din ay nakakaranas ng kalungkutan dahil may mga boss din na malupit sa kanilang trabahador.

Ang nakakatuwang ugali na meron sa kanila ay nakukuha padin nilang ngumiti kahit na sila ay pagod na pagod sa trabaho. Makikita sa larawan ang saya ng isang trabahador dahil para sa kanila, ang kamera ay salitang nakaugnay sa pagiging artista. Sa ganung simpleng paraan, nakuhang ngumiti ng model.

Pabiro pa nilang binabanggit na lalabas sila sa TV. Ang hindi nila alam na lalabas pala sila sa isang website ng mga estudyante ng CFAD.